ሌላ ምስ ኤርትራዊ ተመራማሪ ዶ/ር መድሃኔ ማሪቆስ 🇪🇷🔬

ኣብ ዩኒቨርሲቲ ካሊፎርኒያ (University of California) ተመራማሪ ኣብ ዝነበረሉ እዋን፡ ንፈለማ እዋን ተዓጻጻፊ ኤለክትሮኒካዊ መሳርሒ መከታተሊ ልቢ (First-ever flexible electronics ECG device) ብምምሃዝ ታሪኻዊ ስራሕ ዝዓመመ ውሩይ ኪኢላ እዩ። እዚ ምህዞ እዚ፡ ንጥዕና ልቢ ብዝያዳ ቀሊልን ምቹእን ብዝኾነ መገዲ ንምክትታል ዝሕግዝ ዓቢ ናይ ቴክኖሎጂ ስጉምቲ እዩ።

ሕጂ ድማ ዶ/ር መድሃኔ፡ ነዚ ዓለምለኻዊ ተመክሮኡን ፍልጠቱን ናብ ሃገሩ ብምምጻእ ንህዝቡ ንምግልጋል ብተወፋይነት ይሰርሕ ኣሎ። ቀንዲ ዕላማኡ ኣብ ኤርትራ ኩለመዳያዊ ናይ ባዮሜዲካል ኢንጂነሪንግ (Biomedical Engineering) ምርምር ስርዓት ብምትካል፡ ነቲ ኣብ ሃገርና ዘሎ ሕጽረት ናይ ሕክምና መሳርሒታት ንምፍታሕን ንጥዕናዊ ብድሆታት ንምስጋርን እዩ። ብተወሳኺ፡ ሓድሽ ወለዶ ክኢላታት ብምፍራይን ናይ ዶክተሬት (PhD) ምርምር ዕድላት ብምስፋሕን፡ ንኤርትራ ኣብ ኣፍሪቃ ማእከል ፍርያት ባዮቴክ (Biotech Hub) ንምግባር ኣብ ሓያል ጻዕሪ ይርከብ።

"ሕልመይ ኤርትራ ኣብ ኣፍሪቃ እታ እንኮ ናይ ባዮቴክኖሎጂ ሃገር ኮይና ክርእያ እዩ" ዝበለ ዶ/ር መድሃኔ፡ እቲ ኣብ ርእሰ-ምርኮሳን ተወፋይነትን ዝተሰረተ ስርሑ፡ ንጥፈታት ኤርትራውያን ዲያስፖራ ኣብ ህንጸት ሃገር ክሳብ ክንደይ ወሳኒ ኣበርክቶ ከምዘለዎም ዘርኢ ሓቂ እዩ።

ነዚ ብሳይንስን ብልሓትን ንመጻኢ ኤርትራ ዘብርህ ዘሎ ተባዕ ኤርትራዊ ተመራማሪ ኣገናዕ ንበሎ!

@Haileab Goitom