ብርግጽ ... ! ኪኖ ደሮናን ዒግታን ደኣ ንዘቲ!

ዝኸበርኩም ኣሓት ኣሕዋት ኤርትራውያን ... !!!

እስኪ ሸውዓተ ዓመት ንድሕሪት ተመሊስና ንዘክር።

ወርሒ መጋቢት 2018 ... ኢትዮጵያ፡ ኣብ መጠረስታ ምዕራፍ ናይቲ መድረኽ ... ነውጺ ደሮናን ዒግታን ነይራ። ሽዑ ...፡ ሰም ኤርትራን ኤርትራውያንን እናኣልዓሉ፡ "መዝሙር ሰላም ምስ ኤርትራ" ዝብል ደሮናን ዒግታን የዳሩኑ ነይሮም።

ኤርትራ ... ከም ረስኒ ሕማም ዓሶ፡ ሃንደበት ዝዓርግን ዝሃድእን ናይ ሰላም ይኹን ናይ ኵናት ኣጀንዳ የብላን።

ወትሩ ... ሃገራዊ ረብሓኣን ሉዑላዊ ግዝኣታን ኣብ ዘውሕስ ... ጥጡሕ ጐደቦን ሓባራዊ ምዕባለን ኪኖ ደሮናን ዒግታን ቀዋሚት እያ።

ብዝገርም ኣጋጣሚ ታሪኽ ልክዕ ተደጊሙ፡ ኢትይጵያ ኣብ መጋቢት 2025፡ ኣብ ነውጺ ሕምባበ ለውጢ መጺኣ። እንሆ ኸኣ ስም ኤርትራ፡ ከምቲ ብቕድሚ ትማሊ ኣብ ሓተታ ጋዜጣ ሓዳስ ኤርትራ ዝተገልጸ፡ ብምህለላ ኵናት፡ ኣብ ደሮናን ዒግታን የልዕልዎ ኣለዉ።

እሞኸ ... ? እወ እሞኸ ... ?

እታ መልሲ ... ኪኖ ደሮናን ዕግታን ምዝታይ እያ። እንጅነር ሲራክ ክፍለ፡ ከምኡ'ውን ... ቴድሮስ ጐይተኦም፡ ኣልዒልክሞ ዘለኹም ኣርእስቲ ዘተ "ኪኖ ደሮናን ዒግታን" እዋናዊ እዩ። ፍጹም እዋናዊ! ኣዛታዪ እልያስ ኣማረ ኸኣ ... ከም ወትሩ ... ጭራ ነብሪ ምስ ሓዘ ዘይሰድድ ዕቱብ እዩ።

ስለዚ ...  ኪኖ ደሮናን ዒግታን ... ብሃንቀውታ እጽበ ኣለኹ።

ካልኦት ኵልኹም ንጡፋት ማሕበራዊ መድያታት ኤርትራውያን ኣሓት ኣሕዋት'ውን ... ሓደራኹም ብዛዕባ ጽባሕ፡ ኪኖ ደሮናን ዒግታን ንዘቲ።

ኣብዪ ኣሕመድን ብስም ወንጌል ዘራኸሶ ብልጽግንኡን ሞይቱ እዩ። ኣብ ምዉት ኣይንዛረብ። ኣብ ዝሞተ ከልቢ እምኒ ስለ ዘይድርበ！ 

ደጊመ ሰላም

ኣንገሶም ኢሳቕ